Алматы облысының Гүлдала ауылындағы табиғи газ жарылысы құбырдағы газ қысымының өзгеруінен болды. Бұл жөнінде облыстық Төтенше жағдай департаменті мәлімдеді. Еске салсақ, кеше жарылыс болып, елді мекендегі екі үйдің 4 тұрғыны зардап шекті. Қазір олар Алматы қалалық №4 емханасында және Алматы көпсалалы клиникалық ауруханасының жансақтау бөлімінде жатыр. Жағдайлары ауыр. Бұл оқиғаға қатысты істі полиция департаменті тексереді.
