Қызылша мен өзге де жұқпалы ауруларды емдеген кезде ыстық түсіретін дәріні қолданбаған абзал. Абай облысының бас балалар инфекционисті жергілікті халықты сақтық шараларын қатаң ұстануға шақырды. Дәрігерлердің айтуынша, көптеген ата-ана баланы өз бетімен емдеймін деп жағдайды одан әрі ушықтырады. Қазір өңірде 102 адамнан қызылша дерті анықталған. Науқастардың басым бөлігі – 14 жасқа дейінгі балалар. Оның 70% жуығы екпе алмаған.
Имдат Эфендиев, облыстың бас балалар инфекционисті:-Егер сіздер баланың ыстығы түспей, аяқ-қолы суық тартқанын байқасаңыздар, өз беттеріңізбен емдемеңіздер. Парацетамол мен ибуфенді үсті-үстіне берудің қажеті жоқ. Парацетамолдан уланған жағдай да тіркелді. Екі апта бұрын бір бала осылай ауруханаға түсті.
