Бұдан былай қазақстандықтар Сейшел аралдарына 30 күнге визасыз бара алады. Екі мемлекет аумағында болу мерзімі жарты жылда 90 күннен аспауы керек. Қазақстан мен Сейшел Республикалары арасындағы келісім 6 қаңтарда күшіне енді. Бұл туралы Сыртқы істер министрлігінің ресми өкілі Айбек Смадияров айтты.
Сондай-ақ ол Араб түбегіндегі саяси ахуалға тоқталып, зардап шеккендер арасында қазақстандық азаматтар жоқ деген ақпаратты растады. Айбек Смадияров, ҚР Сыртқы істер министрлігінің ресми өкілі: - Бізде қолда бар ақпаратқа сәйкес Йеменнің аумағында консулдық есепте тұрған қазақстандық азаматтар жоқ. Сондықтан қандай да бір зардап шеккен азаматтар туралы ақпарат келіп түскен жоқ.
