Теміртау қаласындағы екіқабатты дүкенде газ жарылғаннан кейін абайсызда адам өліміне әкеп соққан өрт қауіпсіздік ережесін бұзу фактісі бойынша қылмыстық іс қозғалды.
Қазір жарылысқа қатысты екі болжам айтылып отыр. Алғашқысы - дүкенге жапсарлас орналасқан гаражда газбен жүретін көлік болған. Метан содан тарауы мүмкін. Ал зардап шеккен 1993 жылғы әйел дүкеннен оттық сатып алып, оның жанатынын тексерген кезде жарылыс болған. Екінші нұсқа - ғимаратқа келіп тұрған табиғи газ құбырында ақау болған деген болжам.
Ораз Тәуірбеков, Теміртау қаласының әкімі: - Газ баллоны шығарылған. Ол жарамды және жарылған жоқ. Сол себепті екінші нұсқа қалып отыр – ол табиғи газ. Бірақ қазір тергеу шеңберінде тиісті қызметтер арқасында нақты себеп анықталатын болады.
