Бүгін елдің бас жол полицейі полиция қандай жағдайда тек ескертумен шектелетінін мәлімдеді. Ереже бұзу деңгейі бойынша не ескерту беріледі, не айыппұл салынады. Қайсар Сұлтанбаев атап өткендей жыл басынан бері 6 мың жол көлік оқиғасы тіркеліп, 542 адам қаза тапқан. 7 мыңнан астам азамат жарақат алыпты. Жол апаттарының 84% елді мекендерде болған. Ал қалааралық жолдардағы инфрақұрылымның жақсаруы апат пен өлімнің азаюына сеп. Алайда 1-ші санаттағы күре жолдар елдегі 148 мың шақырым жолдың 2% ғана құрайды. Тағы бір мәселе - жүргізуші куәлігіне емтихан қабылдайтын халыққа қызмет көрсету орындарындағы жемқорлық. Құқыққорғау органдары жаңа заңда оған қарсы шара енгізгендерін айтады.
Қайсар Сұлтанбаев, ҚР ІІМ Әкімшілік полиция комитетінің төрағасы:-Спеццондардағы қызметкерлердің бүгінгі деңгейін мемлекеттік қызметшілерге теңестіру, ол осы заңда қарастырылған. Сондықтан келешекте ол қызметкерлердің санаты мемлекет қызметкерлеріне теңеседі және олардың осы жемқорлыққа қарсы күрес заңына байланысты жауапкершілігі де артады.
