Атырау облысында 60 мың гектарға жуық орман алқабы су астында қалды. Жайық өзені соңғы рет 2005, 2006 жылдары арнасынан асып, орман-тоғайларға су жайылған. Одан кейінгі құрғақшылық салдарынан орман қорының 35% құрап тұрған. Қазір Құрманғазы ауданындағы Қиғаш өзені бойындағы орманның 80%, Жайық бойындағы Индер Махамбет және Атырау қаласы маңындағы тоғай толықтай суда тұр. Алайда орманшылар көп жылғы теректерге тасқынның залалы тимейді. Керісінше тал-теректер жаңарып, жаңа өскіндер шығады деп отыр. Бір өкінішітісі, қала іргесіндегі тұқымбақ та су астында қалды.
Мереке Шалқаров, «облыстық Орман шаруашылығы және жануарлар дүниесі аумақтық инспекциясы» РММ бас маманы:-Орман қорына алып бара жатқандай залал жоқ. Екінші мәселе көшеттер: орман қорына егуге дайындалған 2 млн-ға жуық тұқым бақтарда көшеттеріміз бар еді. Оны енді уақыт көрсетеді, су кеткеннен кейін қарап, Орман Кодексінің талаптары бойынша қыркүйек айында орман қорына есептеу жүргіземіз.
