Ол үшін тәртіп сақшылары арнайы ұшу қондырғыларын қолданып жатыр. Әсіресе жол апаты жиі болатын республикалық тасжолдарға баса көңіл бөлінген.
Екі күн ішінде дрондардың көмегімен қарсы жолаққа шыққан 6 жүргізуші ұсталды. Олар жүргізуші куәлігінен алты айға айырылуы мүмкін. Тәжірибе түрінде енгізілген жоба жемісін берсе, қосымша дрондар сатып алынады.
Алексей Милюк, облыстық ПД бастығының бірінші орынбасары:
- Оператор осындай қондырғылар арқылы жол ережесін бұзғандарды анықтайды. Бейнетүсірілім бірден тәртіп сақшыларына жіберіледі. Содан кейін темір тұлпар тізгіндеушілері әкімшілік жауапкершілікке тартылады.