«Тәртіпті өзіңнен баста!». Қаржы мониторингі агенттігі осындай эстафета бастады. Науқанға алғашқылардың бірі болып Лев Гумилев атындағы Еуразиялық ұлттық университетінің мыңға тарта студенті қатысты. Агенттік өкілдері білім алушылармен қаржылық пирамиданың айла-тәсілдері мен лудомания жайында кеңінен талқылады. Ұйымдастырушылар: «Мұндағы басты мақсат - қарызсыз қоғамды қалыптастырып, азаматтардың қаржылық сауаттылығын дамыту»,–дейді. Агенттік эстафетаны әрі қарай Астана қаласы бойынша Экономикалық тергеп-тексеру департаментіне жолдады.
Ерлан Сыдықов, Л.Гумилев атындағы Еуразия Ұлттық университетінің ректоры:
-Университет тарапынан Қаржы мониторинг агенттігіне біз тағы да ұсыныстар беріп отырмыз. Білікті, сапалы мамандарды әзірлеуді бірлесіп атқаруға болатындығын, сондай-ақ ғылымды пайдалануға болатындығын тағы да ашып айттық.