Бүгін еліміздің басым бөлігінде көктайғақ болып, жел күшейді. Алматы және Жетісу облыстарының таулы аймақтарында 27 градусқа дейін қатты аяз. Ал Қарағанды облысында соңғы үш күнде ауа температурасы -30 градусқа дейін төмендеді. Құтқарушылар жолда қалған 53 жолаушыға көмекке барған. «Алматы-Екатеринбург» тас жолында Сарышаған елді мекенінен 5 шақырым қашықта автобус сынып қалған. Ондағы жолаушылардың барлығы Өзбекстан азаматтары. Ешқайсысына медициналық көмек қажет болмады. Жолаушылар жақын маңдағы жылы жерге жеткізілді.
