Астанада Халықаралық қарттар күніне орай республикалық фестиваль ұйымдастырылды. Оған ардагерлермен қатар түрлі буын өкілдері қатысты. Мақсат – ұрпақтар сабақтастығын нығайту. Қатысушылар ұлттық ойындар ойнап, қолөнер бұйымдарының көрмесін тамашалады. Сонымен қатар ұлттық тағам дайындау және менталдық арифметика бойынша арнайы алаңдар жұмыс істеді.
