Қазақстанда жылына 70 мыңға жуық газ баллоны шығарылмақ

Елімізде тұрмыстық газ баллондары өндірілетін болды. Жылына  65-70 мың газ баллондарын шығаруға  мүмкіндігіміз бар, - дейді мамандар. 

Қазір айналыста бұған дейін алыс және жақын шетелден импортталып келген 350 мыңға жуық баллон  бар. Бірақ олардың дені ескірген. Елімізде жиі болатын оқыс оқиғалардың бір себебі осы, - дейді мамандар. Сондықтан биылдан бастап баллондарды пайдалану мерзімі 20 жылға қысқарылды.  Ал келер жылдан бастап газ баллондары біртіндеп жаңарып, ескіргендері қолданыстан алынады.

Рашид Дубаев, ҚР ТЖМ Өнеркәсіптік қауіпсіздік комитеті төрағасының міндетін атқарушы:

- Қазіргі қолданып отырған газ баллондары 80-90 жылдардағы. 40 жылдан асып кеткендері де бар. Бірақ та қазір әр адам келіп, газ баллондарын өздері толтырған кезде кемшілігі табылса, біріншіден, құйылмайды ол жерге және айналымнан алынады. Аманшылық болса, өзіміздің газ баллондарын шығып жатқандары елге тегін беріледі. Тегін.