Биыл композитор, дирижер, Қазақстанның Еңбек сіңірген өнер қайраткері, Халық қаһарманы Нұрғиса Тілендиевтің дүниеге келгеніне 100 жыл. Қазақтың бағына біткен дара тұлға қазақ музыкасын 500-ден астам туындыға толықтырды. Көзі тірісінде халық әндері мен күйлерін оркестрмен орындаудың үлгісін жасаған. Сондай-ақ дәулескер күйші «Отырар сазы» фольклорлық-этнографиялық оркестрінің негізін қалады. Артында өшпес із қалдырған біртуар дарын осылайша қазақ өнерін әлемге әйгілеп, есімі тарихта қатталды.
Светлана Айтбаева, әнші, ҚР Еңбек сіңірген қайраткері:
-Нұрағаңның қазақ өнеріне жасаған еңбегі өте орасан. Соның ішінде қазақ музыкасына қалдырған ізі мәңгілік өшпейтіндей із қалды. Күні бүгінге дейін ешқандай өзінің өзектілігін жоймаған шығармалар. «Отырар сазы» ағамыздың көзіндей деп санаймын.
