Жетісу облысында табиғи монополияларды реттеу департаменті басшысының жымысқы әрекеті әшкере болды. Ол 2025 жылға арналған электр энергиясының тарифі мен тарифтік негіздемені көтеру үшін «Талдықорған акционерлік көлік-электр желілері компаниясының» басшысынан 500 мың теңге пара алды деген күдікке ілінді. Тергеу жалғасып жатыр.
Данияр Бигайдаров, ҚР Сыбайлас жемқорлыққа қарсы іс-қимыл агенттігінің ресми өкілі:
- Мемлекет басшысының тапсырмасын орындау үшін Сыбайлас жемқорлыққа қарсы іс-қимыл агенттігі қоғамда заңдылық пен тәртіп қағидатын қамтамасыз ету, сондай-ақ сыбайлас жемқорлық фактілерінің, оның ішінде жоғары лауазымды адамдар арасында жолын кесу жөніндегі жұмысты жалғастыруда.
