Маңғыстау облысындағы мектеп-колледжде жалған дипломмен жұмыс істеген жүзден астам мұғалім қызметтен қуылды.
Сондай-ақ Бейнеу ауданында 7 логопед-дефектологтың кәсіптік қайта даярлықтан өткені анықталып, оларға айыппұл салынды. Жалпы 2022 жылдан бастап өңірдің білім беру саласын тексеру кезінде прокуратура 300-ден астам адамды тәртіптік, тағы 500-ден астам маманды әкімшілік жауапқа тартқан.
Мерген Меңдіғалиев, облыстық прокуратураның басқарма бастығы:
- Сонымен қатар 200-ден астам педагогтың біліктілік курстарынан уақтылы өтпегені туралы фактілер бар. Олар бойынша да прокурорлық қадағалау актілері енгізілді. Жалпы білім саласында өткен жылы 20-дан астам қылмыстық іс тіркелді.
