Ақмола облысында мемлекеттік тапсырыс аясында қаржы жымқырмақ болған 14 мекеме анықталды. Олар сатып алынатын тауар бағасын негізсіз көтерген. Мәселен, Степногорск қаласының әкімдігі жол белгілерін салуға 200 млн теңге жұмсамақ болған. Бұл былтырғы жылмен салыстырғанда 3 есе көп.
Облыстық сыбайлас жемқорлыққа қарсы іс-қимыл департаментінің тексеруінен кейін тапсырыс беруші өтінімін қайтып алған. Осылайша жалпы облыс бойынша жыл басынан бері 270 млн теңге үнемделді,- дейді мамандар.
Асхат Оразхан, облыстық сыбайлас жемқорлыққа қарсы іс-қимыл департаментінің басшысы:
- Көбінесе мұндай жемқорлық дерегі денсаулық, білім, энергетика және тұрғын үй комунналдық шаруашылығы саласында тіркеледі. Біз мемлекеттік сатып алудағы жобаларды әзірленіп жатқан кезде әрекет етеміз. Алдымен ұсынымдық сипаттағы хат жібереміз. Ал конкурс жарияланып, жеңіпаз анықталып, келісімшарт жасалса, онда Ішкі мемлекеттік аудит департаменті араласады.
