Төтенше жағдайлар министрлігінің «Қазселденқорғау» мемлекеттік мекемесі Шығыс Қазақстан облыстық филиалының басшысы сотталды.
Бұл туралы Сыбайлас жемқорлыққа қарсы агенттік өкілі мәлімдеді. Оған Өскемен қалалық №2 сотының қаулысымен үкім шықты.
Данияр Бегайдаров, ҚР Сыбайлас жемқорлыққа қарсы іс-қимыл агенттігінің ресми өкілі:
- Ол қала тұрғынын филиалға жалған жұмысқа орналастыру арқылы 2,7 млн теңге жымқырғаны үшін кінәлі деп танылды. Оған мемлекеттік қызметте және квазимемлекеттік секторда лауазымдарды атқару құқығынан өмір бойына айыра отырып, 3 жыл мерзімге бас бостандығынан айыру түріндегі жаза тағайындалды.
