Желіде жарияланған ақпаратқа сәйкес, мегаполис әуежайында шетелдік азаматтар ұсталған. Олар суррогат аналардан туған нәрестелерді Қазақстан аумағынан алып кетуге тырысқан. Ерлі-зайыпты жұптың балаларды сыртқа шығаруға рұқсат құжаты болған. Алайда күдіктілер елден кете алмады.
Салтанат Әзірбек, ПД ресми өкілі:
- Алматы қаласы полция департаменті тергеу басқармасы Қылмыстық кодекстің 135-бабы бойынша, яғни кәмелет жасқа толмағандарды саудалау дерегі бойынша қылмыстық іс қозғалып, Қылмыстық іс жүргізу кодексімен көзделген барлық тергеу амалдары жан-жақты обьективті түрде жүзеге асырылуда. Қылмыстық іс аясында басқа да мәлімет жария етілмейді.