Ата-заңымыздың 30 жылдығына арналған халықаралық конференция Конституциялық сотта да жалғасты. Сессияда конституциялық тәртіптің тұрақтылығы, қоғамдық қауіпсіздік және ата-заңды қорғау тетіктері сөз болды. Сондай-ақ ел Президенті Қасым-Жомарт Тоқаевтың атынан еліміздің құқықтық жүйесінің дамуына елеулі үлес қосқан азаматтарға «Қазақстан Республикасының Конституциясына 30 жыл» мерекелік медальдары табысталды. Марапатталғандардың дені – құқық саласында ғылыми зерттеулер жүргізіп жүрген ұстаздар қауымы.
Жанар Темірбекова, Қ.А.Ясауи атындағы халықаралық қазақ-түрік университетінің ректоры:
-Тосын сый болды. Бұл біздің Қожа Ахмет Ясауи атындағы халықаралық қазақ-түрік университетінің ұжымына берілген баға. Себебі біздің университетіміз конституциялық құрылымды нығайту үшін, адам құқықтарын жан-жақты талдап, оны жас ұрпаққа заң мен тәртіптің үстемдігін жүргізу үшін, сондай-ақ көптеген заңнамалық мәдениетті таныстыру үшін орасан зор еңбек етіп келеді.
