Елімізде 14 мыңнан астам полиция қызметкері мен Ұлттық ұланның әскери қызметшілері құқықтық тәртіпті қамтамасыз етіп келеді. Мемлекет басшысы Қасым-Жомарт Тоқаев халыққа арнаған былтырғы Жолдауында басқарушы органдар алдына әрбір азамат мемлекеттік институттарға сенетін тиімді қауіпсіздік жүйесін құру міндетін қойған еді. Бұл міндет қаншалықты орындалды? Әділетті Қазақстан құруда қандай шаралар қолға алынды?
Енді кез келген азамат құқықбұзушылық жайлы «бір батырма» арқылы ғана хабарлай алады. Осылайша, қоғам мен құқық қорғау органдары арасындағы байланыс жеңілдей түспек. Азаматтарға қолайлы болуы үшін «102» мобильді қосымшасы іске қосылды. Сондай-ақ eGovMobile мен екінші деңгейлі банктердің қосымшаларында «Заң және тәртіп» қызметі пайда болды. Полиция 10 мыңнан астам қылмысты ашып, 10 млн-ға жуық әкімшілік құқық бұзушылықтың жолы кесілгенін хабарлады.
Елан Сәрсембаев, ҚР Әділет министрі:
- Ағымдағы жылдың 1-шілдесінен бастап тиісті ақпараттық жүйедегі тараптар кабинетінде цифрлық көмекші модулін енгіздік. Ол біріншіден онлайн режимде азаматтарға істің барысы мен сот орындаушысының іс-әрекеттері туралы хабарлауға мүмкіндік береді. Екіншіден, Әділет органдарына атқарушылық іс жүргізудің барысын сапалы деңгейде талдауға және азамттардың өтініштерін күтпей проактивті режимде сото рындаушылары тарапынан заңсыз әркеттерге ден қоюға мүмкіндік береді.
Халықтың алаңдатып отырған бір мәселе – жол-көлік оқиғаларының жиілеп кеткендігі. Бұл ретте жаңа заң бойынша орташа жылдамдықты асырғаны үшін жауапкершілік күшейтілді. Мопедтерді тіркеу міндетелді. Биылғы 7 айда жолдарға 25 мыңнан астам тексеру жүргізілді. Осылайша, республикалық трассаларда жол-көлік оқиғаларында қаза тапқандар саны 12 пайызға төмендеді. Қоғамдық дертке айналған есірткі қылмысына қарсы күрес те күшейтілді. Есірткі бизнесін ұйымдастырушыларға тағайындалатын жаза өмір бойына бас бостандығынан айыруға дейін қатаңдатылды. Биылғы 7 айда есірткіге қатысты 4,6 мыңнан астам қылмыс анықталып, 13 ұйымдасқан қылмыстық топ жойылды, 11 тоннадан астам есірткі мен 23 тонна химиялық зат тәркіленді.
Ержан Сәденов, ҚР Ішкі істер министрі:
- Алаяқтыққа қарсы жаңа шаралар қабылданды. Яғни, дроперлер үшін қылмыстық жауапкершілік, абоненттік номерлерді биометрия арқылы міндетті тіркеу, симбокстарды елге әкелуге тыйым салу, тәулігіне онлайн несие алуға шектеу енгізілді. 67 млн алаяқттық қоңырау бұғатталды. 7 колл орталығы жойылды, оның екеуі шетелде.
Енді елімізде «Цифрлық учаскелік инспектор» іске қосылады. Әзірге пилоттық режимде жұмыс істейтін қосымша полиция қызметінің ашықтығын қамтамасыз етпек. Сол арқылы елдегі құқықтық тәртіп пен қоғамдық қауіпсіздік деңгейін одан әрі жетілдіруге болады.
Серік Кеңесов, Сарыарқа ауданы ПБ полиция капитаны:
- Барған хабарламаларға жазбаша түрде емес, видео, аудио түрінде көмектесіп жатырмыз. Ол қалай болады? Азаматша арызданбаймын десе видеосын түсіріп, осы планшет арқылы шешім қабылдаймыз. Арызданып жатқан жағдайда осы планшет арқылы сотқа жолдаймыз, хаттама толтырамыз, яғни қағаз жұмыстан арылтып, уақытты созбай тез мерзімде көмектесу үшін осы цифрлық жоба аясында жаңа проектілер енгізіліп жатыр.
Құралай Жұмахан, тілші:
-Әділетті Қазақстан құру – ел Президенті Қасым-Жомарт Тоқаевтың алға қойған ірі мақсаттарының бірі. Ел табысының артуы да, ынтымақ-бірлігінің жарасуы да әділдіктің салтанат құруына байланысты. Ендеше, Төле би бабамыздың: «Әділ төренің туысы жоқ, әділетсіздің ар-ұжданы жоқ» дегенін жадымызда ұстасақ игі.
Авторлары: Құралай Жұмахан, Руслан Тәуірше
