Сенат қабырғасында Мұсылман ақсақалдар кеңесінің және шейх Заид атындағы «Адамзат бауырластығы» сыйлығының Бас хатшысы Мұхаммед Әбделсаламның жаңа кітабының тұсауы кесілді. «Рим Папасы Франциск пен Әл-Азһардың Жоғарғы имамы: күрделі жол – адамзаттың бауырластығы туралы құжаттың дүниеге келуі» деп аталатын бұл еңбек қазақ тілінде жарық көріп отыр. Мәулен Әшімбаев үшбу кітаптың қазақтілді оқырмандарға ұсынылуы Қазақстанның жаһандық деңгейде бейбітшілік пен келісімді нығайту жолындағы рөлін айғақтайтынын атап өтті.