Ұлттық олимпиада комитетінің президенті, «World Boxing» ұйымының президенті Геннадий Головкин Қазақстанның Таиландтағы Елшілігі жанындағы №453 учаскесінде дауыс берді. Ол World Boxing Futures Cup 2026 халықаралық турниріне қатысу үшін Бангкок қаласына барған еді. Геннадий Головкин әрбір азаматтың дауысы маңызды екенін айтып, республикалық референдумның мемлекеттің одан әрі дамуы мен нығаюындағы рөлін атап өтті.