Астанада бокстан жастар арасында ҚАЗССР чемпионы Манарбек Ихсановты еске алуға арналған дәстүрлі халықаралық турнир басталды.
Жарысқа Ресей, Өзбекстан, Қырғызстан, Тәжікстан және еліміздің 20 өңірінен спортшылар жиналды. Жалпы 300-ге жуық қолғап шебері қатысып жатыр. Жарыс 5 күнге жалғасады. Осы күндері 2010 және 2011 жылы туған жасөспірімдер үздік орындарға таласады.
Диас Исатай, қатысушы:
- Бірінші жекпе-жегімді өткізіп, жеңіске жеттім. Алдағы уақытта да осы қарқынды сақтап, жеңісті жалғастырамын деп ойлаймын.