Қызылордалық студенттер «Бесікке салу» дәстүрі мен «Қыз қуу» ойынының интерактивті түрін жасады. Болашақ IT мамандар мерекелік керуенге қосылып, қала көшелерін ән-жырға бөледі. Арқан тартыс пен асық атудан да жарысқа түсті. Салт-дәстүрлер заманауи технологиялар арқылы түсіндіріліп, жастардың шығармашылық ізденісі паш етілді.
Асхат Елтаев, Жасанды интелект институты директорының орынбасары:
- Наурыз көжені қалай жасайтыны жөнінде ойын бар. Одан бөлек, сәлем салу деген ойын, арқан тартыс деген ойын бар. Тұсаукесер, барлығын түгелдей қазақ дәстүрлерін балалар цифрландырған. Және кішкентай балаларға, жастарға, өсіп келе жатқан ұрпаққа жалпы актуалды деп ойлаймын өз басым.