Қазақстан волейбол құрамасы финалға шықты. Спорт жаңалықтары

Волейболдан Қазақстан әйелдер құрамасы «Шақыру кубогінің» финалына шықты. Филиппин астанасы Манила қаласында өтіп жатқан халықаралық турнирде біздің бұрымдылар алаң иелерінен басым түсті. Жартылай финалдағы ойын 3:0 есебімен аяқталды. Филиппин қыздары алғашқы екі партияда ғана қарсылық танытты. Қазақстан финалда Вьетнам құрамасымен кездеседі. Жеңіске жеткен команда «сегіздік финалына» жолдама алады. Топтық кезеңде біздің қыздар Вьетнамнан 1:3 есебімен ұтылып қалған болатын. Енді Ришат Гилязутдинов шәкірттері қарымта қайтаруға тырысады.

Алматыда балалардың бассейндегі жүзу қауіпсіздігі бойынша семинар өтіп жатыр

Суда жүзуді шетелдік мамандар үйретеді. Алматыдағы қазақ спорт және туризм академиясында балалардың бассейндегі жүзу қауіпсіздігі бойынша семинар өтіп жатыр. Польша-Америка халықаралық бағдарламасы әлемдегі жетекші жобаның бірі саналады. Курста мамандар төрт күн бойы біліктілігін шыңдайды әрі судағы қауіпсіздік шарттарымен танысады. Жоба аясында 250 студент пен 25 оқытушы және 25 нұсқаушы бір апталық тегін дәріс алады. Қатысушыларға біліктілігі бойынша сертификаттар табысталады.