Президент Паралимпиада чемпионы А. Науатбекті жеңісімен құттықтады

Паралимпиадашыларымыздың жеңісті жорығы жалғасуда. Кеше отандасымыз парадзюдошы Ақмарал Науатбек ақтық бәсекеде франциялық Садрин Мартинені иппон ұпайымен жеңіп, қазақ елінің Әнұраны Париж төрінде кезекті рет ойналды. Бүгінге дейін 5 медаль құрама қоржынына түсті. Екеуі алтын, екі күміс және бір қола.

Айта кетейік, тағы бір отандасымыз Сиязбек Далиев жүзуден финалда бақ сынайды. Ал Ақмаралды Париждегі жеңісімен Президент құттықтады.

Қасым-Жомарт Тоқаев, Қазақстан Республикасының Президенті:   

- Ақмарал Науатбекті Паралимпиада ойындарында алтын медаль жеңіп алуымен құттықтаймын! Сіз ел мерейін асырып, спорт жанкүйерлеріне зор қуаныш сыйладыңыз. Қажырлы еңбек пен қайтпас қайсарлықтың арқасында ең мықты қарсыластарыңыздан басым түстіңіз. Жеңісті күндеріңіз көп болсын!