Сүт өнімдерін өндіру, көкөніс қоймаларын салу және суармалы жерлерді игеруге 48 млрд теңге қарастырылған. Ал өңірдегі ірі құс фабрикасы қайта іске қосу үшін инвесторлармен келіссөздер жүргізіліп жатыр. Басты мақсат – ішкі нарықты жергілікті өніммен қамту. Жоба мақұлданса, мемлекет тарапынан қолдау да көрсетілмек. Айта кетейік, Павлодардың іргесіндегі құс фабрикасы 9 жыл бұрын ашылып, кейін жабылып қалған.
Серік Батырғожинов, облыс әкімінің орынбасары:- Бір айдың ішінде 3 инвестормен кездестік. Бірінші талап – екі құс фабрикасын сатып алу. Бұл жұмыстар жүргізіліп жатыр. Оның екеуі шетелдік инвесторлар, олардың Қазақстан заңына сәйкес құжаттары болса деген мәселе бар.
