Ақмола облысында толассыз жауған жаңбырдан егіс науқаны әлі аяқталған жоқ. «Алқапқа дән себілмей, жартысы бос жатыр. Бірақ бұл егін сапасына әсер етпейді»,— деп отыр ауыл шаруашылығы басқармасының өкілдері. Биыл диқандар 5 миллион гектардан астам жерді игермек. 4,5 миллион гектарға дәнді дақыл егілсе, қалған алқаптарға жем-шөп және майлы дақылдар себіледі.
Еркеш Әленов, ауыл шаруашылығы басқармасы басшысының орынбасары:-Соның қазір 45% астамы егілді. Енді одан да көп болуға тиісті, бірақ ауа райының қолайсыздығына байланысты кішкене жоспардан азырақ келе жатырмыз. Күн әрі қарай тұратын болса, он күннің ішінде бітіп қаламыз.
