Маңғыстау облысының прокуратурасы «Маңғыстаумұнайгаз» компаниясына 32 млрд теңге айыппұл салды.
Акционерлік қоғам қызметкерлері ағынды суларды жер қойнауына жіберіп, қалдығын жинақтау кезінде тиісті шектеу орнатпаған. Сондай-ақ мұнай жылыту пештерінен ластаушы заттардың қоршаған ортаға шамадан тыс шығарылғаны анықталды.
Қадағалаушы орган ұсынысымен мұнай мекемесі әкімшілік жауапкершілікке тартылды.
