Кәрім Мәсімовтің зәулім үйі аукционға шығарылды

Кәрім Мәсімовтің зәулім үйі сатылымға шығарылды. Құны 1,8 млрд теңге болатын баспана Астананың Нұра ауданында орналасқан. Оны қайтарылған активтерді басқару компаниясы Электронды сауда алаңы порталына қойды. Жалпы ауданы 2 мың 800 шаршы метрден асады. Аукцион 25 ақпанда сағат 10:00-ге белгіленген. Еске сала кетейік, Кәрім Мәсімов «мемлекетке опасыздық жасады, билікті басып алмақ болды және қызметтік өкілеттігін асыра пайдаланды» деген айыппен 18 жылға бас бостандығынан айырылған.