Жеделсатыда жасөспірімнің пышақпен шабуылынан жарақат алған 5 жастағы Батыр ертең үйіне шығады. Ал бүгін беті, ерніндегі және мойнындағы жарақат тігістерінің кейбірі алыныпты. Жақ-бет хирургиясы бөлімінің меңгерушісі Гусейнов Юсуптың айтуынша, бала өзін белсенді ұстауда. Жалпы жағдайы оңалған.
Медет Нұғманов, «№2 көпбейінді қалалық балалар ауруханасы» ШЖҚ директордың орынбасары:
-Баланың жалпы жағдайы жақсы. Шағымдар жоқ. Бүгін таңу жасалған кездегі жара тігістері жартылай алынды. Жараның қабыну белгілері жоқ.
