Шымкентте электр желілерінің жалпы ұзындығы 200 шақырымнан астам болса, соның 57% тозып тұр. Өткен ғасырдан бері қолданыста болған сымдарды ауыстыру жоспарланған. Сонымен қатар демографиялық дамуға байланысты жаңадан жеті бірдей қосалқы станса салынбақшы. Аймақтың «Энергетикалық және коммуналдық секторларын» жаңғыртуға 39 миллиард 500 миллион теңге қаржы қарастырылған. Ұлттық жоба аясында жаңадан электр желілері тартылып, қуаты 125 мегаватт болатын екі трансформатор орнатылады.
Манас Тынышбек, қалалық энергетика және инфрақұрылымды дамыту басқармасының бас маманы:
- Электр жүйесінің тозығы жеткені 57%, соны 52,6 % түсіру 2025-2029 жылдар аралығына жоспарлануда. Әр жыл сайын бізде электр қуатын тұтынушы саны 10-15% артуына байланысты алдын ала қамдануымыз керек.
