Батыс Қазақстан облысының Ақжайық ауданында бюджеттен бөлінген қаржының жеткіліксіздігінен 700-дей науқас тегін дәрі-дәрмекті ала алмаған. Олардың дені түрлі диагнозбен диспансерлік есепте тұрған жандар. Аудандық прокуратура тегін медициналық көмектің кепілдік берілген көлеміне талдау жүргізуі барысында осындай олқылықты анықтаған. «Азаматтардың құқығы қорғалып, дәрі-дәрмекті алуға тапсырыс берілді»,– дейді мамандар.
Ернат Мақсотов, БҚО Прокурорының аға көмекшісі:
-Бөлінген ақша жетпей қалған. Сол себепті 700-дей адам дәрі-дәрмекті уақытылы алмаған екен. Ал Прокуратураның қадағалау актісінен кейін аудандық аурухана денсаулық сақтау басқармасынан ақшалай қаражат сұратқан болатын. Қазір азаматтарға дәрі-дәрмек толықтай жеткізілді.
