Алматы облысында 400-ге жуық үлескер «Эко Парк Алатау» тұрғын үй кешенінен пәтерлерін ала алмай жүр. Алматы қаласының іргесінде салына бастаған тоғызқабатты төрт үй 2022 жылы пайдалануға берілуі тиіс еді. Бірақ ол әлі күнге дейін аяқталмады. Үлескерлер өзін алаяқтықтың құрбанына айналдық деп есептейді. Осы уақытқа дейін құрылыс компаниясы мен жергілікті әкімдіктен нақты жауап ала алмай жүргендерін айтады. Алмас Садуқас, тілші:-Төрт жыл бойы бұл төрт үйде айтарлықтай жұмыс атқарылмады. Өйткені құрылысқа жауапты мердігер мекеме инженерлік жүйелерді тарту үшін техникалық жобалардың өзін дұрыс жасамаған.«Эко Парк Алатау» үлескерлері аяқталмаған тұрғын үй кешенінің аумағанына жиналып облыс әкімінің орынбасары және құрылыс компаниясының өкілдерімен кездесті. Ақшасын алдын ала төлеп қойғанына қарамастан, үйсіз қалған. Олар «Элитстрой» компаниясы уәдесін орындамай отыр деп есептейді.Сәуле Санкенова, үлескер:-Бір пәтерге қаржы құйдым. 100% құйдым. Міне әлі ала алмай жүрмін. «Ертең болады, келесі жылы болады» деп өтірік айтады. Шенеуніктер разрешение бермей жатыр, соттап жатыр, алдап жатыр дейді. Үлескерлердің көбі 4-5 жыл бұрын пәтердің әр шаршы метріне 360 мың теңгеден төлеген. Айнұр Нүсіпқызы да үш жыл бұрын таза әрлеудегі пәтерін алуы керек еді, бірақ әлі күнге дейін баспанасына кіре алмай жүр.Айнұр Нүсіпқызы, үлескер: -Элитсрой деген компания бізді 5 жыл бойы уәдемен ғана сендіріп келеді. Мен 2 бөлмеге құйдым. Енді арендада жүрмін сенесіз бе?! Бұлардың сылтауы көп. «Мемлекеттік орган біздің документімізді алып алды. Қайта ашып, қайта орнына берді», – дейді. Сылтау көп, бітпей жатыр.
2023 жылы құрылысқа берілген рұқсат құжаттары прокуратураның ұсынысымен кері қайтарылған. Себеп сыртқы кәріз жүйелері дайын болмаған. Яғни қолданыстағы кәріз жүйесі жаңа ғимараттардың жүктемесіне шыдамай қалуы мүмкін еді», – дейді Қарасай аудандық әкімдігінің өкілі.Ерлан Сұлтанов, Қарасай аудандық сәулет және құрылыс бөлімінің басшысы:-Қазіргі уақытта құрылыс жұмыстары жүргізілуде, үйлер шамамен 30-40% аяқталған. Ішкі желілер тартылған, бірақ сыртқы желілер жоқ. Кәріз жүйесіне байланысты «Алматы Су» мекемесінен техникалық шарттар алынған. Бірақ коммуналдық қызметтер әлі жұмыс жүргізген жоқ. Сондай-ақ қажетті келісімдер де жасалмаған. Үлескерлердің наразылығы орынды – олар үйлеріне кіре алмай жүр, ал жергілікті атқарушы органдар сыртқы желілері жоқ тұрғын үйлерді пайдалануға бере алмайды. Шыдамы таусылған үлескерлер Алматы облысы әкімдігі мен прокуратурасына ұжымдық арыз жазды. Кездесуге келген облыс әкімінің орынбасары жағдайды бақылауға аламын деп ашулы жұртты сабырға көндіруге тырысты. Ал «Элитрстрой» серіктестігінің басшысы Бақтияр Ниязов мардымды жауап бере алмады. Әсет Масабаев, Алматы облысы әкімінің орынбасары: -Төрт адамға сұрақтарыңызды қойыңыздар. Апта сайын төрт адаммен мен жолығып отырамын. Ниязов мырза бірге келіп отырады. Егер үлгермей жатқан жағдай болып жатса, басқалай қозғала бастаймыз.
Тұрғын үй кешені қашан толық аяқталып, пайдалануға берілетіні белгісіз. Қазіргі инфрақұрылым жағдайына қарағанда, бұл жақын арада шешілетін мәселе емес.Алмас Садуақас, Мұхит Құдықбаев
