Ақтөбе облысындағы Ырғыз ауданында көктемгі су тасқынына дайындық жұмыстары жалғасып жатыр. Өзен-көл жағасындағы елді мекендердің маңына биік қорғандар салынып, құм толы қапшықтар әзірленген.
Былтыр бұл өңірде 168 үй су астында қалып, төтенше жағдай жарияланған болатын. Биыл құзырлы орган өкілдері 6 ауылға қауіп бар деген болжам жасады. Сондықтан сақтық шараларын жүзеге асыруға бюджеттен 1 млрд 387 млн теңге қаржы бөлінген.
Азамат Құсайынов, облыстық ТЖД бастығының орынбасары:
- Ырғыз ауданының Құтикөл, Құйылыс, Жайсаңбай, Мамыр, Белшер ауылдарында жұмыстар жүргізіліп жатыр. Қазіргі таңда 40 мың қап төселіп, 360 қап тағы да құм тастар дайындалып тұр. Бізде 95 адам мен 15 техника жұмылдырылып отыр.
