2031 жылға қарай «ПетроҚазақстан Ойл Продактс» серіктестігінің өндіріс ауқымы кеңейеді. Нәтижесінде авиаотын өндіру көлемі 1,5 миллион тоннаға дейін артуы мүмкін. Премьер-министр Мемлекет басшысының авиаотын нарығын дамытуға қатысты тапсырмаларын жүзеге асыру жөнінде кеңес өткізді. Жиында әуежайларды қаржыландыру құрылымын өзгерту мәселеcі талқыланды. Ондағы инфрақұрылымға қол жеткізудің сервистік моделін енгізе отырып, авиаотыннан бақылауға алынбаған табыстарға тәуелділікті төмендету мүмкіндігі қаралды. Жиын соңында Олжас Бектенов тиісті ведомство басшыларының ұсынысын тыңдап, оларға бірқатар тапсырма жүктеді.
