КСРО Халық әртісі, Мемлекеттік сыйлықтың лауреаты, композитор, дирижер және күйші Нұрғиса Тілендиевтің 100 жылдығына арналған «Құстар әні» республикалық фестивалінің жабылу концерті өтуде. Үш күнге созылған жиынның қорытындысында кімдер өнер көрсетеді? Даңқты композитордың қазақ музыкасының алтын қорына енген қандай туындылары орындалады?
Диана Қадыр, тілші:- Қайырлы кеш! 2 сәуір күні басталған дөңгелек үстел отырысынан кейін фестиваль кеше концерттік көңіл күймен жалғасты. Ал бүгін республикалық деңгейде еліміздегі барлық филармония ұжымдарының қатысуымен үлкен шара өтуде. Қаладағы кешкі кептеліске қарамастан келіп жатқан қонақтар саны көп. Көңіл күйлері өте көтеріңкі. Ұйымдастырушылардың айтуынша, шараға 1,5 мыңнан астам адам келеді деп күтілуде. Барлығы да КСРО Халық әртісі, даңқты композитор және күйші Нұрғиса Тілендиевтің туындыларын тыңдауға асығып келіп жатыр. Одан бөлек, даңқты композитордың бұрынғы үзеңгілес достары арнайы шақырылған. Ал концертте «Атадан мұра», «Көш керуен», «Махамбет», «Абай табиғаты», «Алтын дән» күйлері мен «Әке туралы жыр», «Өз елім», «Ақ шағала», «Келе жатыр құс қайтып», «Құстар әні» сынды халық жүрегінен орын алған әндері орындалады. Шараны ұйымдастырушы Еркеғали Рахмадиев атындағы мемлекеттік академиялық филармониясының бас директоры Дакенов Ерлан ағамыздан сұрап көрсек.
Нұрғиса Тілендиев «Отырар сазы» оркестрін құрып, оған арнап бірнеше музыкалық шығармалар жазғанын күллі қазақ жақсы біледі. Бұл шараға «Отырар сазы» оркестрі де қатысып отыр ма? Кімдер өнер көрсетеді?
Белгілі композитор 500-ден астам музыкалық туындының авторы. 50-ден астам драмалық қойылымға, 19 көркем фильмге және 14 деректі-хроникалық фильмге музыка жазды. Артында өшпес із қалдырған біртуар дарын осылайша қазақ өнерін әлемге танытып, есімі тарихта мәңгі қалды.
