Биыл Ұлы Жеңіске 80 жыл. Астанада осыған орай «Тарих беттеріндегі ақиқат» атты көрме өтті. Онда арнайы кітап палатасы қорындағы бұрын еш жерде көрсетілмеген сирек еңбектер ұсынылды. Олардың қатарында майдан жылдарында шыққан газет-журналдар, әскери үгіт плакаттары мен жазушы-майдангерлердің қолжазбалары да бар. Ұйымдастырушылар: «Бұл ең алдымен, өскелең ұрпаққа халқымыздың ерлікке толы тағдырын еске салу үшін керек»,–дейді. Көрме қалың көпшілік үшін 16 мамырға дейін ашық.
Әділ Қойтанов, ҚР Ұлттық мемлекеттік кітап палатасының директоры:
-Бұл құнды материалдар басқа жерде жоқ. Себебі бұл архивтегі 40-шы жылы сап-сары газеттерден шыққан. Ашылса, шашылып қалайын деп тұр. Сол себепті арнайы әкеліп, таныстырып жатырмыз. Соның өзі жастарға, қазір соғыстың Ұлы Жеңістің қалай келгенін, оны қалай тойлағандарын, қанша батыр болған деген сияқты кішкене болса да насихат осы жерден ала алады.
