Қазақстан шетелден 3,7 млрд текше метр су алады

07.04.2025, 18:34

_{Қазақстан биыл суару кезеңінде Сырдария өзені арқылы 3,7 миллиард текше метр су алады. Бұл шешім Су ресурстары және ирригация министрі Өзбекстан, Тәжікстан және Түрікменстан мемлекеттеріндегі әріптестерімен жүргізілген келіссөздер нәтижесінде қабылданды.}

_{Сонымен қатар Аралға 975 миллион текше метр су жіберу жоспарланып отыр. Ал өткен жылдың қазан айынан 1 сәуірге дейін Өзбекстан Қазақстанға 12,6 миллиард текше метр су жіберді. Бұл жоспарланған көлемнен 1,7 миллиард текше метрге артық.}

_{Ерен Жангелді , ҚР СРИМ Халықаралық ынтымақтастық департаменті басқармасының бас сарапшысы:}

_{- Самарқандта Орталық Азияның Мемлекетаралық су шаруашылығын үйлестіру комиссиясының 89-шы отырысы өтті. Ал «Достық» мемлекетаралық каналы арқылы Қазақстанға 909 млн текше метр су келеді.}

_{Министрдің сөзінше, Ақтөбе, Қостанай және Батыс Қазақстан облыстарының су қоймаларында су тасқынының белсенді кезеңі аяқталды. Дегенмен қазір тасқын суды өзен-көлдерге бағыттап, оны су қоймаларына жинап жатыр.}

_{Мәселен, Ақмола облысында}_ғы_{Астана су қоймасынан секундына 260 текше метр су жіберілуде. Сілеті су қоймасынан 151 текше метр,} _{Шағалалы су қоймасынан секундына 20 текше метр су жіберілуде. Ұлытау облысы Кеңгір су қоймасынан секундына 284 текше метр, ал Солтүстік Қазақстан облысында Сергеев су қоймасынан секундына 1 мың 202 текше метр, Петропавл су қоймасынан 781 текше метр су жіберілуде.}