Қазақстан халқы Ассамблеясы - этносаралық татулық пен қоғамдық келісімді нығайту, елдегі бірлікті күшейту мақсатында құрылған бірегей институт. Бүгінде елімізде 20 миллионнан астам адам бар болса, оның 14 млн 200 мыңы қазақ. Сондай-ақ 3 миллионға жуық орыс, 678 мың өзбек тұрады. Украин, түрік, қырғыз секілді ұлттар да бар. Қазіргі кезде елімізде 100-ден астам этномәдени бірлестік жұмыс істейді. 30-дан астам тілде газет-журналдар жарық көреді, 15 тілде радио мен телеарналар хабар таратады.
