Әділет министрлігінің атқарушылық іс жүргізу саласын цифрландыру жұмыстары жалғасып жатыр.
Енді министрлік сайтының кабинетінде жаңа «Цифрлық көмекші» модулі іске қосылмақ. Мұнда әрбір пайдаланушы мен сот орындаушының іс-әрекеті туралы толық мәлімет болмақ.
«Цифрлық көмекші» әрбір атқарушылық істі жүргізу үшін оның санатын, қарыз сомасын және басқа да параметрлерін ескере отырып, жеке іс-қимыл жоспарын нақтылап береді. Пайдаланушылар нақты уақыт режимінде сол жоспардың орындалу барысын бақылап, сот орындаушысының әрекетіне көңілі толмаса, сұраныстар мен шағымдарды электронды арна арқылы жібере алады.
