14 елді мекен көгілдір отын желісіне тамыз айының соңына дейін қосылуы тиіс. Нәтижесінде өңір тұрғындарының 97% немесе облыстағы 319 елді мекеннің 200-і қамтылады. Қазір 172-де табиғи газ отыны бар. Бұл мақсатқа республикалық бюджеттен 9 млрд 800 млн теңге қаржы бөлінген. Келер жылы тағы 9 ауылға көгілдір отын құбырын салу жоспарланып отыр.
Серік Дәулетов, облыстық Энергетика ТҮКШ басқармасы басшысының орынбасары:
-9 елді мекенді газбен қамтамасыз ету бойынша сегіз сметалық құжаттамамыз дайын. Сонымен қатар ағымдағы жылы 19 елді мекенді газдандыру жұмыстарын жүргізуге он төрт сметалық құжаттама дайындалып жатыр.
