Мемлекетке қайтарылған активтер есебінен елде көптеген әлеуметтік нысан салынып жатыр. Соның бірі – Алматы облысының Іле ауДанындағы Көктерек ауылында ашылған фельдшерлік-акушерлік пункт. Өңір халқы бұған дейін медициналық тексеруден өту үшін аудан орталығына қатынайтын. Енді 2 мыңға жуық тұрғын басы ауырып, балтыры сыздай қалса, ауыл ішіндегі дәрігерлерге қаралатын болды. Жаңа ғимаратта бір мезетте 40 адамды қабылдауға мүмкіндік бар. Айта кету керек, Конституцияның 30 жылдығына орай облыста 17 жаңа нысан пайдалануға берілЕді. Соның 11-і – «Келешек мектебі». Қалғаны – медициналық пункт, мәдениет үйі, халыққа қызмет көрсету орталығы сияқты әлеуметтік нысандар мен өндірістік кәсіпорындар.
Алмасбек Сәтібаев, AMANAT партиясы іле аудандық филиалының төрағасы
-Ауданымызда үш ауылдық округте фельдшерлік-акушерлік пункттер ашылу керек болатын. Соның бүгін бірінші нысаны ашылуда. Жылдың аяғына дейін ауданымызда екі акушерлік пункт әлі жоспарлануда. Осы нысандардың сапалы салынуын қадағалаймыз.
