Елімізде AI KITAP, OLYMPIQ платформалары іске қосылады. Бұл туралы Үкімет басшысы Олжас Бектеновтың IT-компания өкілдерімен кездесуінде айтылды. Жиында әлеуметтік сала мен өнеркәсіп бағытында жасанды интеллектіге негізделген стартаптарды дамыту мәселесі талқыланды. Кездесуде отандық Paradigm Shift компаниясы әзірлеген екі жоба таныстырылды. AI Kitap – білімдегі олқылықты анықтайтын цифрлық оқулық. Ал OlympIQ – спортты дамытуға арналған технологиялық платформа. Жаңа жүйе сараптамалық, операциялық, медициналық және ұйымдастырушылық деректі жасанды интеллект арқылы өңдеуге мүмкіндік береді. Бұл бастаманы қолданысқа енгізу үшін мектеп мен спорт федерациялардың тізімі дайындалды.
