Павлодар облысында салынып жатқан «Деректерді өңдеу орталықтары алқабының» құрылыс қарқыны жоғары. Бірінші нысан келер жылдың маусым айында қолданысқа берілмек. Бүгін Үкімет басшысы Олжас Бектенов осы жобаға қатысты жиын өткізіп, оның жүзеге асу жайын талқыға салды. Қазір алқаптың энергия орталықтары мен жасанды интеллект фабрикаларына арналған қазаншұңқырларды әзірлеу жұмыстары 90 пайыз аяқталған. Оның жалпы энергетикалық қуаты кезең-кезеңімен 1 гигаватқа дейін ұлғайтылмақ. Жоба Қазақстанның есептеу қуатын арттырып, отандық жасанды интеллект шешімдерін дамытуға және инвестициялар тартуға мүмкіндік береді. Премьер-министр құрылыс жұмыстарын белгіленген мерзімде аяқтап, шетелдік технологиялық компаниялармен ынтымақтастықты кеңейтуді тапсырды.
Бағдат Мусин, «Қазақтелеком» АҚ басқарма төрағасы:
-Енді осы жылдың желтоқсан айына дейін негізгі ғимараттар салуларын жалғастырып, аяғына дейін жеткіземіз. Келесі жылдың басынан құрал-жабдықтарды орнату басталады. Параллельді түрде 136 мВт ЦОД-ты құрастыруды бастаудамыз және де Қосшы қаласында тағы да бір су жаңа датацентрді іске қосуға дайындап жатырмыз. Басты мақсатымыз – келесі жылдың тамыз айына дейін барлық жұмыстарды бітіріп, осы датацентрлар алқабының бірінші кезеңін елімізге, дүниежүзіне танытып, оның жұмысын атқаруды бастау.