Шымкентте жылан қаптап кетті

Шымкентте жылан қаптап кетті. Бауырымен жорғалаушылар тұрғын үй мен аулаларға кіріп, жұрттың үрейін ұшырып жатыр. Соңғы бірер айда құтқарушылардың көмегіне 120 адам жүгінген. Мамандар жыландарды арнайы құралдың көмегімен ұстап, қала сыртына шығарып тастаған. Жедел құтқару жасағындағылардың айтуынша олардың көбеюіне жұптасу кезеңі мен күннің күрт ысуы әсер етуі мүмкін. Қазір аптап ыстық, сондықтан улы жәндіктерден сақтану керегін айтады.