Футзал: Қазақстан – Португалия арасындағы матч 26 қыркүйекте өтеді. Спорт жаңалықтары
Футзалдан әлем чемпионатының плей-офф кезеңі басталды. Өзбекстанда өтіп жатқан біріншілікте Бразалия ширек финалға шықты. Олар Коста-Рика құрамасының осал тұсын тапты. Украина Нидерланд командасынан басым түсіп, келесі айналымға жолдама алды. Испания мен Венесуэла, Парагвай мен Ауғанстан өзара кім мықтыны анықтайды.
Қазақ жанкүйерлерінің назары Әндіжан қаласына ауады. Біздің құрама Португалиямен ойнайды. Әлем чемпиондары осал қарсылас емес. Дегенмен Кака шәкірттері үш жыл бұрын кеткен есені қайтаруға тырысады. Қазір жігіттер маңызды матчқа тыңғылықты дайындалып жатыр. Қазақстан мен Португалия арасындағы ойын ертең кешкі 20:00-де басталады.