«XXI ғасыр көшбасшысы» зияткерлік бағдарламасы – білім бәйгесінде бағын сынаған, еліміздің түкпір-түкпіріндегі озық ойлы оқушылардың басын қосқан үздік тележобалардың бірі.
Бүгінгі заманда сапалы білім – қарқынды дамудың басты шарты. Жеті түрлі ілім білетін ұрпақ тәрбиелеу – қазіргі күннің негізгі міндеті. Лайықты азамат – өз білімін Отанымыздың иглігі үшін жұмсайтын адам. Алдымызда тұрған құбылмалы заманда жастарымыз еңбекқор болмаса, ешқандай да бәсекеге түсе алмайтынын терең түсінуіміз керек.
«ХХІ ғасыр көшбасшысы» зияткерлік сайысының мақсат-мүддесі – дарынды жастарды қолдауға үлес қосу.
