Әлемдегі он адамның тоғызы ластанған ауамен тыныс алады.

Астана экономикалық форумында Президент атап өткен 5 жаһандық тренд ішінде әлемдік демографияның ұлғаюы жөнінде айтылды. Бұл тенденцияны шетелдік және өзіміздің сарапшылар да растап отыр.

Қазір форумда мыңға жуық бұқаралық ақпарат құралдары өкілдері тынымсыз жұмыс істеп, жұмыр жерге тың ақпарат таратуда. Бұл жиын мұхиттың арғы жағында да қызығушылық туғызып отыр. 

Астаналық экономикалық форумында талқыланған тағы тақырып – роботтану үрдісі. Ол адамзатты қайда жетелейді? Өркендеуге апара ма? Әлде жаппай жұмыссыздық белең алуы мүмкін бе? Танымал футуролог Митио Какудың пайымдауынша, роботтану заманында еңбек нарығында жаңа мамандықтар пайда болады. 

«Осы орайда адамзаттың қайта машықтануы мен біліктілік деңгейін арттырып отыруы маңызды», – дейді ғалым.
Митио Каку, футуролог
-Біз бұл технологияларды барынша қолдауымыз қажет. Жасанды интеллект жаңа мамандықтар мен жұмыс орындарының ашылуына мүмкіндік береді. Ал оны қолданбайтын компаниялар банкроттыққа ұшырайды. Сондықтан бұл мүмкіндіктерді пайдаланып, көшке ілескеніміз жөн. Дәл осы төртінші революция экономиканың өсуі мен әл-ауқаттың артуына себеп болады.

Ғалымдар ұзақ өмір сүрудің құпиясын ашудың аз-ақ алдында тұр. «Алдағы бірнеше онжылдықта өліммен күресетін дәрі ойлап табылады», – дейді мамандар. Ал егер адамдардың өмір сүру ұзақтығы 200 жас немесе одан да көп болса, азық-түлік тапшылығы пайда болмай ма? 

«Астана» халықаралық қаржы орталығы 5 шілде күні халықаралық қауымдастыққа ресми таныстырылады.

Шетелдің 10 ірі трансұлттық компаниясы еліміздің агроөнеркәсіптік кешеніне 300 млрд теңге инвестиция салады.

Астаналық экономикалық форумы аясында Еуразиялық экономикалық одақ пен Иран арасында еркін сауда аймағы жөніндегі уақытша келісімге қол қойылды.

Елбасы жылдағы дәстүр бойынша Астана экономикалық форумына келген жаһанның белгілі экономистері және Нобель сыйлығының лауреаттарымен кездесті.