«Мерейлі отбасы 2021». Жамаловтар әулеті /Түркістан облысы
Биыл Түркістан облысы бойынша «Мерейлі отбасы 2021» ұлттық байқауына ынтымағы жарасқан, еңбегімен еленген 184 жанұя қатысқан. Отбасы құндылықтарын дәріптейтін додада жеңіс Түркістан облысы Қазығұрт ауданы Шарбұлақ ауылындағы еңбекқорлығымен елге үлгі бола білген Жамаловтар әулетіне бұйырды. Асылбек Жамалов пен Камила Төлендіқызының отасқандарына биыл 30 жыл. Отбасының тірегі Асылбек аға 1965 жылы Шарбұлақ ауылында дүниеге келіп, өніп-өскен. 1984-1986 жылдары әскер қатарында болып, келген соң түрлі науқандық шаруаға араласып, мал баққан.