Ұлық мерекеге орай жылы лебіздерін білдірген шетелдік саясаткерлер мен сарапшылар Қазақ елінің жетістіктерін атап, ынтымақтастықты одан әрі дамытуға мүдделі екендерін жеткізді.
Мұстафа Шентоп, Түркия Ұлы ұлттық мәжілісі төрағасы:
- Бауырлас қазақ халқын Тәуелсіздік күнімен құттықтаймын. Түркия Қазақстанның Тәуелсіздігін мойындаған алғашқы мемлекет болғанын әрдайым мақтан тұтады. Елдеріміз арасындағы қарым-қатынас біз үшін өте маңызды.
Карин Штренц, Германия Федеративтік Республикасы Бундестаг депутаты:
- Қазақстандықтарды Тәуелсіздік күнімен құттықтаймын. Біздің достық қатынас орнатқанымызға бірнеше жыл болды. Біз осы байланысты одан әрі бекемдеп, өзара сауда айналымын ұлғайтуға мүдделіміз. Қазақстан – Орталық Азиядағы көшбасшы ел әрі біздің ең сенімді серіктесіміз. Президент Қасым-Жомарт Тоқаевтың Германияға жасаған сапары – соның дәлелі.
Леонид Слуцкий, Ресей Федералды кеңес Мемлекеттік думасы Сыртқы істер комитетінің басшысы:
- Екі ел арасындағы ынтымақтастық жыл санап нығайып келеді. Оны бауырластық қарым-қатынас деп сеніммен айта аламын. Сондықтан Ресей Федералды кеңес Мемлекеттік Думасы атынан бауырлас қазақ халқын Тәуелсіздік күнімен құттықтаймыз.
Люк Девинь, Шығыс серіктестік және Орталық Азия елдері бойынша басқарушы директоры:
- Серіктестігіміз нығайып, достығымыз тереңдей түседі деген сенімдеміз. Қазақстан халқын Тәуелсіздік күнімен құттықтаймын. Елге экономикалық өсім, қазақ халқына бақыт пен жарқын болашақ тілеймін!
